|
|
|
Ur strollegezh tiriadel karget d’ober war-dro ezhommoù tud ar gumun eo an ti-kêr. Liesseurt eo kefridioù ti-kêr Karaez : marilh ar boblañs, kêraozouriezh ha lojeiz, skolioù hag aveadurioù, obererezhioù sevenadurel, yec’hed ha skoazellerezh sokial, hentoù, takadoù glas, polis melestradurel… Barregezhioù all a zo bet kaset da Gumuniezh Kumunioù ar Poc’hêr : endro, ekonomiezh, touristerezh, abadennoù bugale/yaouankiz hag all…
Servijoù-kêr a zo gant ar gumun evit kas ar raktresoù da benn ha merañ ar geoded war ar pemdez, hervez divizoù an dilennidi. E Karaez, 150 den a vicher a labour bemdez gant ar memes pal : harpañ ha gwellaat buhez an holl annezidi.
|
|
  |
