Emañ Oiartzun etre ar mor hag ar menezioù, tost da Donostia (Euskadi ar Su).

Digor eo ar poellgor d’an holl. Fellout a ra dezhañ harpañ :

	an holl eskemmoù a denn d’ar sevenadur, d’ar sport, d’an armerzh ha d’ar skolioù
	ar c’hejadennoù etre kevredigezhioù
	ar c’henskrivañ etre ar re yaouank

Bep bloaz e vez aozet ur veaj.

Kinnig a ra ar poellgor gevelliñ a bep seurt obererezhioù zo o fal tostaat tud disheñvel o broadelezh hag o sevenadur, gant doujañs, komprenezon ha mignoniezh.

Obererezhioù

	eskemmoù tud yaouank
	krogadoù sport, kejadennoù sevenadurel
	beajoù evit an holl hag eskemmoù etre kluboù : sport, pomperien, lazioù-kanañ, kelc’hioù sevenadurel…

Ur gêr eus kontelezh Muineachán eo Carraig Mhacaire Rois, war-hed 80 km er gwalarn da Zulenn ha 10 km diouzh harzoù Norzh Iwerzhon.

Heñvel a-walc’h eo ar gêr-mañ ouzh Karaez e meur a geñver :

	war-dro 8000 a annezidi
	maezioù a denn kalz da re ar Poc’hêr
	diazezet an armerzh war al labour-douar hag ar gounezvouederezh
	div stal c’hreantel a bouez : Bose (selaouelloù) ha Gerflex (gwiskadoù leur)
	teir skol eil derez
	hag ur straed veur gant kalz stalioù, dezhi pevar anv disheñvel eus an norzh d’ar su, evel e Karaez.

Darempred Prezidantez : Marie-Louise Huiban Pgz 02.98.93.15.98   www.carrickmacross.ie

Daou bal he deus lakaet ar gevredigezh dezhi hec’h-unan :

	kas an eskemmoù war-raok etre an div gêr a-benn krouiñ liammoù kenober ha mignoniezh etre an annezidi. Kement-se a vo sevenet dre ober eskemmoù etre ar skolioù hag ar c’hevredigezhioù, eskemmañ yaouankizoù gant ar familhoù, degemer stajidi ha re yaouank bevet-lojet, sikour da aozañ beajoù familh en Iwerzhon, h.a.
	kas sevenadur Iwerzhon war-raok e Karaez dre aozañ un abadenn da-geñver gouel Padrig, e-pad eil hanterenn miz Meurzh, ha lakaat er programm, diouzh an dro, diskouezadegoù, filmoù eus Iwerzhon, prezegennoù, sonadegoù, h.a.

	broudañ ha kas an eskemmoù war-raok etre kevredigezhioù ha familhoù an div gêr.
	da gentañ, reiñ an tu d’ar muiañ-niver eus an dud (oadourien, krennarded, skolidi) d’ober un tañva da sevenadur, da sportoù ha da zeskadurezh hor rannvroioù (Breizh-Devon) hag hor broioù (Frañs-Breizh Veur). Da c’houde, deskiñ skiant war gement tachenn zo ha skoulmañ liammoù a vignoniezh an eil re ouzh ar re all.

Bep daou vloaz e vez aozet ur « veaj ofisiel » evit un dibenn-sizhunvezh hir e Dawlish. Lojet e vez an dud gant ar familhoù. E-pad ar veaj-se e vez baleadennoù, gweladennoù lec’hioù istorel, prezegennoù-divizoù.

Digor eo ar poellgor da gement den eus korn-bro Karaez zo dedennet evit abeg pe abeg. Bep daou vloaz, a-bep-eil, e resev ar poellgor e vignoned pe e zanvez mignoned e Karaez er familhoù evit un dibenn-sizhunvezh hir.

Darempred Prezidant : Michel Abéguilé Pgz 02.98.93.39.56   www.dawlish.gov.uk

Pal ar poellgor zo lakaat e plas eskemmoù sevenadurel, sportel hag armerzhel etre an div rannvro ha kas war-raok kement tra a c’hall sikour da grouiñ liammoù mignoniezh ha kenober etre annezidi an div vro.

Darempred Prezidantez : Marie-France Saussereau Pgz 02.98.99.19.30   www.rijnwoude.nl

Abaoe 2003 eo gevellet Kêr Garaez gant kamp Al-Arroub evit diskouez he c’hengred gant Palestina.