E Ti an Douristed ez eus ur banell a ro da c’houzout penaos kavout bod e Karaez hag en trowardroioù (en ul lojeiz goullo pe annezet). Ti an Douristed, gant e gefridi “degemer ha titouriñ an dud”, zo o vont da ziorren ar servij-se evit an dud o deus c’hoant d’ober o annez er vro pell pe belloc’h (teulioù divyezhek galleg-saozneg ; titouroù diwar-benn an difraeoù melestradurel…)

Noterien

Ajañsoù-tiez

Pelec’h sellet ouzh ar c’hemennadoù berr :

	Kazetennoù ar vro (Le Télégramme, Ouest-France, le Poher, la Belette…)
	Gourmarc’hadoù
	Stalioù ar vro

Mard eo berr ar stal ganeoc’h evit kavout bod, kit e darempred gant ar Guzulierez war an Armerzh Sokial ha Tiegezhel a-benn kaout titouroù diwar-benn ar skoazelloù evit kavout un annez kentañ. Degemer a ra an dud war emgav, en adti KOSG Straed ar C’holo e Karaez, Pgz : 02.98.93.72.53

M’ho peus c’hoant da gaout titouroù diwar-benn ar skoazell d’al lojeiz e c’hallot bezañ degemeret gant Kef Goproù-Tiegezh Su Penn-ar-Bed e ti-kêr Karaez d’al Lun ha d’ar Merc’her eus 9e15 da 11e45 hag eus 13e45 da 16e30.

Skourr KGT 40 Grand Rue 29150 KASTELLIN Pgz 02.98.16.14.83

Gallout a ra ar KDKL (Kevredigezh-Departamant Kelaouiñ war al Lojeiz) degemer ac’hanoc’h evit kement goulenn a denn d’al lezennoù hag evit sikour ac’hanoc’h mard emaoc’h e soñj da brenañ un ti.
D’ar 1añ ha d’an 3e Merc’her eus ar miz da 14e e Ti ar Servijoù Publik

6, Boulouard Penn-ar-Bed Ti Nay 29 334 KEMPER Cédex Pgz 02.98.95.37.25

Degemer a reer an dud da vintin eus 8e30 da 9e30 er 5 LODEF eus ar Veilh-Avel. Pgz : 02.98.93.74.57

An annezioù meret gant Habitat 29 eo ar re-mañ :

	Annez ar Pupli
	Annez ar Veilh-Avel
	Annez ar C’hoad Gwenn
	Annez ar straed Anatol ar Braz
	Penntiez Persivien
	Penntiez Kerledan
	Penntiez Izelañ (tud oadet).

Kevredad Aiguillon Construction

7, straed Kerfraval 29600 MONTROULEZ Pgz 02.98.88.13.86

An annezioù meret gant Kevredad Aiguillon Construction eo ar re-mañ :

LODEF ar Salet

23 Bali ar Marichal Leclerc 29300 KEMPERLE Pgz 02.98.39.10.20

Degemer bep Merc’her eus 11e30 da 12e30 er 7, straed ar Poc’hêr

An annezioù meret gant Kevredad Armorique Habitat eo ar re-mañ :

	LODEF ar Poc’hêr
	LODEF Straed Karmez

Bod-lojañ ar Salet 32, straed Anatol ar Braz Pgz 02 98 93 32 60 Plr 02 98 93 02 27

Ar Bañsion
An annezidi a c’hall dibab etre ar bañsion glok (an tri fred) hag an hanter-bañsion (dijuniñ ha lein).
Er gêr e vez tapet dijuniñ ha koan, evel-se e c’hall pep hini bevañ diouzh e lusk.

Prizioù

808,32 € eo priz ar bañsion glok evit un den e-barzh ul lojeiz F1. An tredan hag ar pellgomz zo da baeañ ouzhpenn. Bep bloaz, e miz Gouere, e vez nevezet ar prizioù. Hervez o gounidoù e c’hall an annezidi tapout ar GHL (Gopr Hiniennel d’al Lojeiz), anezhañ 243,91 € d’ar muiañ, hag a vo tennet diouzh priz ar bañsion..

Ar preti
Digor eo preti ar bod-lojañ bep kreisteiz da Garaezidi war o leve ha da familh ha da vignoned an annezidi o deus c’hoant.

Ar bod-lojañ « Ar Salet » zo un ti evit an dud c’hren hag emren, 60 vloaz dezho da nebeutañ. Digor eo abaoe miz Genver 1983. Emañ en ur c’hlasvezeg sioul e kreizig-kreiz kêr.

Ar servijoù
N’eus kanndi ebet er bod-lojañ. Bep sizhun e tremen ur servij diavaez (Atalier ar Poc’hêr). Kemer a ra al lienaj lous d’al Lun, ha rentañ anezhañ fresk ha feret d’ar Yaou.
Ar skoazellerezed-ti a c’hall labourat e lojeiz an annezidi evel ma reont e ti n’eus forzh piv.
Emañ sekretourva ar bod-lojañ e-kerz an annezidi evit skoazellañ hag aliañ anezho gant an difraeoù melestradurel.

Enskrivadurioù
Emañ renerez an ti e-kerz ar familhoù evit an enskrivadurioù er bod-lojañ. Gwell eo lakaat un teuliad, rak ul listenn c’hortoz zo. Aliañ a reer ivez da lakaat un emgav evit sellet pizh ouzh kement tra a c’hall pourchas an ti.

65 annez zo er bod-lojañ, en o zouez :

	60 lojeiz F1 pe F2, a c’hall an annezidi mont enno gant o arrebeuri o-unan.
	5 lojeiz dibad annezet, lakaet e-kerz an dud o deus c’hoant d’ober ur « chomadenn esae » pe da vezañ lojet e-pad ar goañv, keit ha ma vez diank un ezel eus o familh pe e-pad ar vakañsoù.

Ar buhezañ
Kinnig a reer a bep seurt obererezhioù diret e-barzh ar bod-lojañ :

	c’hoarioù stroll, bep Merc’her d’enderv,
	stal embreger ar memor, gerioù-kroaz div wech ar sizhun,
	merenn o tañsal d’ar Gwener diwezhañ eus ar miz, digor d’ar familhoù ha d’ar vignoned,
	troiadoù ingal gant ar c’harr-boutin pe ar minibus,
	ober prenadennoù bep 15 deiz (gant ar minibus),
	an oferenn bep Yaou d’enderv,
	ur stal brezhoneg d’ar Sul,
	deskiñ dañsoù Breizh d’ar Merc’her vintin,
	abadennoù liesseurt (sonadegoù, fardañ krampouezh, kontadennoù, h.a.)

Ar prederioù
Gant an annezidi e vez dibabet o mezeg hag o c’hlañvdiour. Emañ an implijidi brederiañ en o c’herz evit :

	prientiñ ha reiñ al louzeier
	sikour anezho d’en em walc’hiñ
	sikour anezho d’en em wiskañ
	sikour anezho da gerzhet

Ar surentez
Gant pep annezad ez eus ur vedalenn alarm a c’hall gervel ganti ma vez ezhomm.
E-barzh pep lojeiz ez eus ivez ur sonerez alarm difiñv.
Implijidi a vez en ti, noz-ha-deiz, evit bastañ da ezhommoù pep unan.

Emañ tachenn-gampiñ kêr e traoñienn ar Stêr-Iêr. Digor e vez a-hed ar bloaz, gant lec’hioù bevennet e-pad ar goañv. Tachenn rummet 2 steredenn.

Traoñienn ar Stêr-Iêr 29270 KARAEZ-PLOUGÊR Pgz 02 98 99 33 33

E kreiz-kêr, meur a leti en ho servij :

Leti Noz-Vad (2 steredenn) Pgz 02 98 99 12 12

Leti-Preti Le Paradis (1 steredenn) Pgz 02 98 93 39 75

Leti-Bar Ahes Pgz 02 98 93 00 09